الأطفال ينتظرونك يا ابا الفضل

شوف أعداك كيف اعلى خيمنا اتميل
حين اطلعت اسمع ولوله واعويل

قوم اسرج احصانك نرجع اخيامي
مقدر ارد يا خويه بلا امحامي

أرد واسمع اطفالي تنتحب بحذاي
ما عود معاك اللي وعد بالماي

ولن عباس بلت دمعته اخدوده
ومالت رقبته من ودع اعضيده

سجاه ابو اليمه وركّب ايدينه
ظل بيده يجر السهم من عينه

رد الخيم وحده ومنكسر ظهره
وشال العمد منها وصاح بالحسره

وطبت تسحب الأذيال محزونه
ولن كل العطاشه ادخلوا واسكينه

قلها راح ابوفاضل بعد ميعود
كفينها اقطعوها وانبرت لزنود

ولن حرمه تدني له الطفل بهداي
بس ايعود لينه اللي وعد بالماي

ونادى على زينب لمي اعيالي
ومن الأحباب بتشوفي الطنب خالي

اتقله اتروح واختك تاخذ أحشاها
ابعطش والجوع شتسوي ابتاماها

وظهري ينحني يا غوث لمنادي
وانته الباقي من لخوان يعيوني

واتروّع اعيالي من ركيض الخيل
والنسوان والأطفال ايتانوني

والبيرق اتشيله وتفرح أيتامي
تهنى لك النومة وانا اتخليني

عطاشه يوقفوا لي ابيسرتي ويمناي
خويه وابكسر ظهري يشوفوني

مع ادمومه واهو ايأشر له بزنوده
وسكت عن ونته وناداه دحاكيني

وكيف اذكر يلمحب صبر ابو سكينه
شمه اوودعه ما تدمي يعيوني

ودش خيمة حبيبه ويهمل العبره
يا زينب على بلواي عينيني

تصرخ وين ابو فاضل يوالينه
اتقله راح عمي ساعة وايجيني

ومنك يعتذر من مزقوا له الجود
وعمود الراس صابه واحنى ضلعيني

اتقله العطش والله انسيته يا مولاي
وطفلي يرتوي من دمعة اعيوني

ماريد انا الدنيا وذبحوا اظلالي
ودعيني قبل ماروح ودعيني

ومن الوليان ماحد يظل وياها
خليني اروح وياك خليني