|
نايم يبو فاضل وأنا
تميت محتار
لا حد بقى ليه وعليه الجيش جرار
هانت عليه ابطيحتك
ذبحة أخواني
قلت الحيله وانكسر ظهري تراني
ومن شوف حالة بيرقك هدت اركاني
مطروح يم جسمك ومتمزق يمغوار
عباس اي محنه تجي
تهون ابوجودك
اكفوفك يبو فاضل بصفها مع ازنودك
عباس قلي وين باقي ماي جودك
حرك لراسه ودار وجهه الشبل لطهار
يا بو علي قلي شتسوي
ابباقي الماي
قلها بصبها فوق طعناتك يحماي
نادى عليك اقسم ابضلع أمك يمولاي
خلنى ابهالحاله وحط راسي بلوعار
وانجان تم الماي برد
جمرة احشاك
اشرب و انااسمع بالخيم ضجه يتامك
وناتي تقصر يا عضيدي والله وياك
وما ظنتي ابقى واتمم باقي لنهار
قله يخويه زاد
معروفك عليه
متريد حاجه من عضيدك يا شفيه
قله سهم عيني انزعه يبن الزكيه
مشتاق اشوفك قبل موتي يا ابن لطهار
واحنى عليه وشال
راسه واقبل اينوح
وضمه لصدره وجر سهمه وفاضت الروح
وحدي يقله للوديعه مقدر آروح
بأي عين اشوف الها واشوف اطفال لصغار
قبله وشمه وحط راسه
فوق لرمال
في وداعه الله ياحبيبي وسور لعيال
ورد للخيم وايصيح يختي راح لظلال
ما طاح حتى قطعوا ايمينه وليسار
|
|
ما عندي انصار
ماعندي انصار
والجيش جاني
ودهري رماني
وراحت اعواني
ما عندي انصار
الله يعودك
وانصر عضيدك
بمسح اخدودك
ما عندك انصار
يا بعد عيناي
يا لبة حشاي
لتبرد اظماي
ماعندك انصار
وايهون بلواك
كلها اترجاك
والملتقى اهناك
ما عندي انصار
يابو الحميه
ابهاي الوطيه
قبل المنيه
ما عندي انصار
عباس لتروح
وافاده مجروح
يا مهجة الروح
وما عندي انصار
وابنحبته قال
ارجع ابيا حال
لمي هالطفال
وماعندي انصار
|
