وفاة السيدة زينب (ع)
زينب العقيلة الهاشمية على وساد المنية
من عظم الرزية ماتت هالمسيه
******
عمرها قضته بلهم يضعة فاطمة الزهرة
من تذكر مصاب حسين تجر لونين والحسرة
دايم ناصبه الماتم وتسعر في القلب جمرة
تبجي وتهمي العين وتندب الولي حسين
من عظم الرزية ماتت هالمسيه
******
كل ساعة تجر ونه وتصرخ آه يا مذبوح
وتذكر كربله وتصيح خويه بالشمس مطروح
على الغبره يظل جسمك ودمك عالترب مسفوح
تبجي وتهمي العين وتندب الولي حسين
من عظم الرزية ماتت هالمسيه
******
زينب شافت أخوتها على التربان مذبوحين
وجثثهم في أراضي الطف ابحر الشمس مطروحين
وشافت بوالفضل عباس على الشاطي بلا كفين
تبجي وتهمي العين وتندب الولي حسين
من عظم الرزية ماتت هالمسيه
******
وتذكر دخلت الشامات بيد القوم وذلتها
بلا والي تجر حسرة وكم بلوه اللي شافتها
وعلى السجاد بقياده ويصب دمعه لحالتها
تبجي وتهمي العين وتندب الولي حسين
من عظم الرزية ماتت هالمسيه
******
ماتت والقلب مألوم وين أخوتها يوشوفوها
تودعها وتغمض العين وللقبلة يوجهوها
في وين الأهل عنها لروضتها يشيعوها
تبجي وتهمي العين وتندب الولي حسين
من عظم الرزية ماتت هالمسيه
******
ربيع الثاني 1427 الموافق مايو 2006
يعقوب يوسف القصاب
مملكة البحرين/ جدحفص