عرس المنية
رملة اتصيح يا جاسم وين أهلك يشوفونك
يا ريت الحسن حاضر يمسح دمعة اعيونك
ما ظنيت هذا اليوم بأرض الطف يزفونك
في الحومة بعد ساعة بدم نحرك يخضبونك
آه عليك ياوليدي أظنك رايح من أيدي
جاسم يا ضوة عيوني
**********
انت منيتي وسلواي العرسك أعد الأيام
لكن حسبتي ضاعت ومني تبددت الأحلام
حسبت حساب أتهنى بعرسك يا بدر الخيام
يا بني ذاب دلالي يا شبل الحسن جسام
عرسك دون خلانك إثياب العرس أكفانك
جاسم يا ضوة عيوني
**********
زفة بلا شمع وإنثار ما شفنه قبل هاليوم
يتيم وتكسر الخاطر غارق في بحر الهموم
اسمع عمك اينادي عليه اتجمعت هالقوم
حاير بين عدوانه وطير البين ظل يحوم
شلون اليوم اتهنى وين الشمع والحنه
جاسم يا ضوة عيوني
**********
وين الأهل يوليدي زفة كلها نسوان
حريم اتصيح مرعوبة وضجة وسطة الصيوان
أجساد مطرحة يمها وتصرخ آه يا شبان
وعمك راحت أنصاره حاير بين هالعدوان
وين عمك العباس والأكبر شديد الباس
جاسم يا ضوة عيوني
**********
خل العرس يا عريس واسمعنى يا بعد أمك
قوم بعجل يا وليدي واتوسك لعند عمك
منه إطلب الرخصة خله ينفرج همك
هذا العرس ما ريده يا عمي وحق أمك
روحي ملت الدنيا وقلبي اشتاق للجنه
جاسم يا ضوة عيوني
**********
حياتك بيعها للدين وإنصر عمك المظلوم
جاهد دون والينا ويشلك بالعمر هاليوم
إتوكل على الباري ومثل عودك المسموم
أريدك يا بعد أهلي أراك امخضب ابلدموم
فدوى للوحيد حسين اللحق خوتك الطيبين
جاسم يا ضوة عيوني
**********
خادم أهل البيت “ع”
الحاج يعقوب القصاب
شوال 1430هـ / 2009م