وَين الباس

وَين الباس

ياعباس ياعباس       وَين الباس واعهودك

ياعباس ياعباس       نِطفي النار من جودَك

ياعباس ياعباس       ترضى نموت بوجودَك

حيدر ولينه       بينك وِبينَه

وصاك تِحمانَه

حامي الظعينَه       عنّا أنتَ وَينَه

بِنموت بظمانَ

كبش الكتيبَه       مِنّك عجيبَه

هاليوم تِنسانَه

آنه النجيبه      أصبح غريبه

واعداك تولانَه

لَيت العمر لاطال، وِبهالحال…..تالِيها

أنخى أخوَتي الأبطال، للأطفال….. تِسقيها  2

 

ياعباس ياعباس       دَمع العين يتكلّم

ياعباس ياعباس       هذا الحال بيه تِعلم

ياعباس ياعباس       هالأطفال تِتألّم

 

عبدالله صادي       أي جِرمَه بادي

لِقلوب لَهفانَه

كل طِفل اينادي       جرّح فؤادي

والروح تلفانَه

خوض الحريبَه       للماي أو جيبَه

لَطفال عطشانَه

قلب الحبيبَه       برِّد لَهيبَه

ترجاك ولهانَه

شوف الرباب اتحوم،عَجِّل قوم…..واسألها

ظامي الطفل جم يوم، يالجيدوم…….ذاهِلها 2

 

ياعباس ياعباس       إنتَ السور والحامي

ياعباس ياعباس       بيك اتلوذ أيتامي

ياعباس ياعباس       صارَن سود أيامي

 

حامي الوديعَه       طَب للشريعَه

والعين هملانَه

شِيمه أوطبيعَه       يذكر رضيعَه

وجبود حرّانَه

جيش ابجموعَه       عاقوا رِجوعَه

حاطوه مولانَه

مِنّه مَروعَه       هابوا طِلوعَه

مِن غير عوّانَه

واجهَم الصِنديد، قصده يريد…..لمخيم

لو بَس قضاه ابعيد، جيش ايزيد….ما يسلَم 2

 

ياعباس ياعباس       رِد الساع لاطفالي

ياعباس ياعباس       لَجلك داب دلالي

ياعباس ياعباس       بَعدك كيف أحوالي

صابوا يمينَه       يِسراه أو عينَه

ماشاف عدوانَه

شجوا جبينَه       خَر يالحزينَه

مقطوع ذِرعانَه

بو اليمه عِنده       خَده اعلى خَده

والنار سعرانَه

إيد اعلى جبدَه       عَين إعلى زندَه

ملهوب وِجدانَه

عاف العضيد أوراح، قلبه اجراح…..ظل ينحَب

كافل حِماكم طاح، دَمه ساح….. يازينب 2