ضيعتنا ( الإمام علي (ع)
يتمتنا،أو ضيعتنا، ياعلي
كلنا فزنا، وانت عزنا، يالولي
= إمام الزمان = الأمان الأمان
أ. تلتهب جمره ، دمعه مدروفه
يجدب الحسرة، مسجد الكوفة
حارت الألباب، فيك ليث الغاب
وانت داحي الباب، يصعب اعليها
يا بطل خيبر، جيف راس الشر
صابك اتجسر، وانت حاميها
ب. ليت فجره ما طلع، جان هالطاغي رجع، عنّه
إبن ملجم من غذر، صاب دين الله كدر، منّه
هاج بالناس الحزن ، مسجد الكوفة يحن ، جنّه
يا كسِر ما ينجبر، إسمع ابيت الطهر، حنّه
ج. الحسن قام يعصِب الهام، والدمع جاري
كهف ليتام، وسفه ما صام، حكمة الباري
بِيد لشراف، فوق لكتاف، الفلك ساري
حامي الجار، وسطة الدار، بين لبرارِ
د. هاجت الروح، زينب اتنوح،تندب الوالي
****************
يتمتنا،أو ضيعتنا، ياعلي
كلنا فزنا، وانت عزنا، يالولي
= إمام الزمان = الأمان الأمان
***************
أ. فاض نهر الدم، خاضِب الشيبه
والفرِض ماتَم، ياهِي امصيبه
غال شهر الصوم، سيفه المسموم
فِعلة الميشوم، وِش يداويها
هَدَت الكعبة،شِدَة الضَربَة
يا عِظم ذنبه، نار تاليها
ب. خوف بالوجه ارتسم، ضَربه وِمرويها سَمْ،غَدَره
كل امعالج ليه نِظر، قال والينا خطر، أمره
والسلولي من فحص، صاح أبو اليمه، خلص عُمره
ياعلي إعهد للأهل، طبرتك ماليها حل، خَطره
ج. وصّى بالدين، وصّى بحسين، وبخدر زينب
سر لسرار، مانِسى الجار، وانطفى الكوكب
الولي راحْ، والعمد طاح، كِل محب ينحَب
عالي الدات، غوث شدات، فركته تصعب
د. فِرحَت الشام، نِشرت أعلام، دين لَندالِ
******************
يتمتنا،أو ضيعتنا، ياعلي
كلنا فزنا، وانت عزنا، يالولي
= إمام الزمان = الأمان الأمان
******************
أ. غابت أنواره، وأوحش العالم
وأظلمت داره، وانصَب الماتم
دارت الأيام، غيروا أحكام
ضاعت الأيتام، وين واليها
صار لمقدر، واندفن حيدر
والدعي اتصدر ، ساد طاغيها
ب. طاف نعش المرتضى، غام بالحزن الفضا، حَسره
مال ميزان العدل، والمحب دمعه يهل، جَمره
هَدَت أركان الحرم، قطعت اجفوف الكرم، طَبره
غاب نور الزاهره، عين زمزم ساهره، حمره
ج. لِبسوا أسود، واسوا أحمد، عزوا الزهرَه
كبر ، أشهد، للوصي إنشد، إلزم العترَه
صبرك إجرَع، دمعك إجمع، للحشر بُكرَه
جم سفينَه، إتمن علينا، حينها بنظرَه
د. شيعه نِستر، نروى كوثر، حيدر إنوالي
****************
يتمتنا،أو ضيعتنا، ياعلي
كلنا فزنا، وانت عزنا، يالولي
= إمام الزمان = الأمان الأمان